«Վերջին հանգրվանը». դաշնակ պատգամավորին գտել են աղջիկների զուգարանում թաքնված
31-03-2023 14:40:48 | Հայաստան | Ի՞նչ է գրում մամուլը
Հայկական ժամանակ. Պարզվում է՝ «Հայաստան» խմբակցության պատգամավոր, դաշնակցական Մհեր Սահակյանը այսօրվա միջադեպից հետո իրավապահներից թաքնվել է ԱԺ-ի կանանց զուգարանում:
ՔՊ կուսակցության Վարչության փոխնախագահ, ՀՀ ԱԺ պատգամավոր Վահագն Ալեքսանյանը «Ֆեյսբուք»-ի իր էջում հրապարակել է լուսանկար ու նշել.
«Վերջին հանգրվանը, կամ ի՞նչ է լինում, երբ վարորդիդ պատգամավոր ես սարքում: Անդաստիարակ, լկտի խուլիգանություն, որը պիտի հետևանք ունենա»:
Նշենք, որ լուսանկարում կանանց զուգարանի դուռն է:
Ավելի վաղ հայտնել էինք, որ այսօր՝ ԱԺ պետաիրավական հանձնաժողովում փակ քննարկման ժամանակ, ընդդիմադիր «Հայաստան» խմբակցության պատգամավոր Մհեր Սահակյանը հարձակվել է հանձնաժողովի նախագահ Վլադիմիր Վարդանյանի վրա, հարվածել, մարմնական վնասվածքներ հասցրել վերջինիս և փախել:
Իրավապահներն ԱԺ-ից տարել են «Հայաստան» խմբակցության պատգամավոր Մհեր Սահակյանին։
ՀԱՅԵՐԵՆ
Русский
English
Դաս. հայերեն
French
