Ռուսաստանում գտնվող միգրանտները կարող են զրկվել քաղաքացիությունից
05-04-2023 19:30:31 | Ռուսաստան | Ի՞նչ է գրում մամուլը
lragir.am Ռուսաստանի Դաշնության Ներքին գործերի նախարարությունը աջակցել է «Քաղաքացիության մասին» օրենքի նախագծի փոփոխությունը, ըստ որի՝ հնարավոր է ձեռք բերված քաղաքացիությունից զրկել ազգային անվտանգությանը սպառնացող վտանգի դեպքում, ասել է միգրացիայի հարցերով Գլխավոր վարչության ղեկավար Վալենտինա Կազակովան, հայտնում է ՌԻԱ Նովոստին։
«Այս փոփոխությունն իսկապես առաջարկվել է… մենք աջակցել ենք, դա համաձայնեցվել է Անվտանգության դաշնային ծառայության հետ։ Քաղաքացիություն ձեռք բերելիս երդվում են… հստակ գրված է, որ պարտավորվում են պահպանել օրենքը, սիրել իրենց հայրենիքը և այլն, և, համապատասխանաբար, վտանգ չներկայացնել ազգային անվտանգությանը», – ասել է նա Պետդումայի հանձնաժողովի նիստում:
Միաժամանակ Կազակովան ընդգծել է, որ «պետությունն իրավունք ունի քաղաքացիություն տալ եւ դադարեցնել այն»։ Այս դեպքում քաղաքացին իրավունք կունենա բողոքարկել որոշումը դատարանում։
ՀԱՅԵՐԵՆ
Русский
English
Դաս. հայերեն
French
