Նոր դաշինք. Արցախյան ազատագրական շարժման լեգենդար հրամանատարները դարձյալ պայքարի մեջ են մտնում
07-04-2023 21:28:50 | Հայաստան | Քաղաքական
ԱՆԱԿՆԿԱԼ ....
Սիրելի Հայրենակիցներ, վերջապես սառույցը հալվեց` Տիգրան Մեծ գնդի հիմնադիր հրամանատար, գնդապետ Կորյուն Ղումաշյանի նախաձեռնությամբ կայացավ արցախյան ազատագրական շարժման լեգենդար հրամանատարների անդրանիկ նիստը, ուր որոշում կայացվեց ստեղծել` ՀԱՅՈՑ ԱՇԽԱՐՀԱԶՈՐԱՅԻՆ ԲԱՆԱԿ` ՄԻԱՑՅԱԼ ՈՒԺԵՐԻ ԴԱՇԻՆՔ... Շուտով ձեր ուշադրությանը կներկայացնեմ նրանց ՀՌՉԱԿԱԳԻՐԸ: Այս անակնկալ համախմբումը Սարդարաբադի զանգերն է հնչեցնում, ,,Վճռական մենակի,, աննահանջ պայքարի գիտակցումով: Վտանգված է սուվերեն երկրի տարածքային ամբողջականությունը, ամենօրյա խրամատային պայքարում ` խարխլվում են դժվարությամբ ձեռք բերված հայոց պետականության հիմքերը...Լինել հայոց բանակի կողքին, պաշտպանել սահմանադրորեն նախատեսված սուվերեն պետության տարածքի անձեռնմխելիությունը և ազգային անվտանգությունը....ՍԱ Է ԽՆԴԻՐԸ:
Բարեկամներ, օրն անակնկալ էր նաև ինձ համար, Դաշինքի անդրանիկ նիստը Մայրության տոնի կապակցությամբ ինձ պարգևատրեց ԼԵՈՆԻԴ ԱԶԳԱԼԴՅԱՆ ՀՈՒՇԱՄԵԴԱԼՈՎ, թիվ 001 օրինակը: Շատ մեդալների էի արժանացել, այս մեկը հպարտության հետ արցունքով ողողեց հոգիս` 30 տարի առաջվա քաջարի մարտիկները, այսօր արդեն պապ դարձած, իրենց վաստակը հանգիստ վայելելու փոխարեն, դարձյալ պայքարի մեջ են մտնում` այո ,,ՍԱ ՀԱՅԱՍՏԱՆՆ Է ԵՎ ՎԵՐՋ,,- սիրելի Լեոնիդ, ընկերներդ ամեն օր են քեզ հիշում` ծանր է բացառիկ հերոսիդ բացակայությունը, գուցե Ձեր կորո՞ւստն է այսօրվա կրկնվող ցավի պատճառը...
ՀԱՅԵՐԵՆ
Русский
English
Դաս. հայերեն
French
