Սամարղանդում հանդիպել են Արարատ Միրզոյանն ու Սերգեյ Լավրովը
14-04-2023 15:12:05 | Հայաստան | Մամլո հաղորդագրություն
Հայկական ժամանակ. Սամարղանդում անցկացվող ԱՊՀ ԱԳ նախարարների խորհրդի նիստի շրջանակներում տեղի է ունեցել Հայաստանի ու ՌԴ արտաքին գործերի նախարարներ Արարատ Միրզոյանի ու Սերգեյ Լավրովի հանդիպումը։
«Սերգեյ Լավրովը բանակցություններ է անցկացրել Հայաստանի ԱԳ նախարար Արարատ Միրզոյանի հետ ԱՊՀ ԱԳ նախարարների խորհրդի նիստի շրջանակներում»,-ասվում է ՌԴ ԱԳՆ տելեգրամյան գրառման մեջ։
Այլ մանրամասներ չեն հաղորդվում։
Հիշեցնենք՝ ՀՀ արտաքին գործերի նախարար Արարատ Միրզոյանն աշխատանքային այցով գտնվում է Սամարղանդում:
Նախարարը մասնակցել է ԱՊՀ արտաքին գործերի նախարարների խորհրդի նիստին: