Ավան, Քանաքեռ-Զեյթուն, Արաբկիր և Դավթաշեն վարչական շրջաններում առկա սուր հոտի հետ կապված վտանգավոր ոչինչ չկա․ ՓԾ
24-04-2023 17:13:08 | Հայաստան | Մամլո հաղորդագրություն
Ավան, Քանաքեռ-Զեյթուն, Արաբկիր և Դավթաշեն վարչական շրջաններում առկա սուր հոտի հետ կապված վտանգավոր ոչինչ չկա:
Այս մասին հայտնում են ՆԳՆ Փրկարար ծառայությունից։
Ապրիլի 24-ին, ժամը 15։28-ից Ճգնաժամային կառավարման ազգային կենտրոն բազմաթիվ ահազանգեր են ստացվել, որ Երևանի Ավան, Քանաքեռ-Զեյթուն, Արաբկիր և Դավթաշեն վարչական շրջանների շենքերում առկա է գազի սուր հոտ:
Նշված վարչական շրջաններ են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ։
Ժամը 16:30-ին Գազի վթարային ծառայությունից տեղեկատվություն է ստացվել, որ խնդիրը կապված է գազի մատակարարման համակարգում հոտատվության մակարդակի ավել քանակի հետ. վտանգավոր ոչինչ չկա։
ՀԱՅԵՐԵՆ
Русский
English
Դաս. հայերեն
French
