Վրացական կողմը ոչ մի հիմք չունի պահանջելու Հայաստանի
տարածքում գտնվող 10 վանքերը,- ասում է Սամվել Կարապետյանը
14-01-2009 18:00:00 | Հայաստան | Հասարակություն
ԵՐԵՎԱՆ, 14 ՀՈՒՆՎԱՐԻ, ՆՈՅՅԱՆ ՏԱՊԱՆ: Վրացական կողմը ոչ մի
հիմք չունի պահանջելու Հայաստանի տարածքում գտնվող 10 վանքերը:
Նման կարծիք հունվարի 14-ի ասուլիսում հայտնեց պատմաբան,
հուշարձանագետ Սամվել Կարապետյանը: Նա նշեց, որ ըստ վրացական կողմի
այդ 10 վանքերը վրացական են, քանի որ դրանց պատերին վրացերեն է
գրված: Սակայն, Ս.Կարապետյանի կարծիքով, այդ հանգամանքը հիմք չի
կարող հանդիսանալ այդ վանքերը վրացական համարելու համար:
Ս.Կարապետյանի պարզաբանմամբ, այդ վանքերը կառուցել են հայ
իշխանները: «Կան բազմաթիվ հայկական եկեղեցիներ, որոնց պատերին այլ
լեզուներով արձանագրություններ են գրված: Մասնավորապես, Արցախի
Խաչեն գյուղի Սբ. Աստվածածին եկեղեցու արձանագրությունը ռուսերեն
է, իսկ Մարսելի Հայոց Մայր եկեղեցին ունի ֆրանսերեն
արձանագրություն»,- ասաց Ս.Կարապետյանը: