Երասխի մետալուրգիական գործարանում բարձրացվել են Հայաստանի և ԱՄՆ-ի դրոշները
20-06-2023 14:51:23 | Հայաստան | Ի՞նչ է գրում մամուլը
Հայկական ժամանակ. Երասխ գյուղում կառուցվող երկաթի ձուլման գործարանի տարածքում այսօր՝ հունիսի 20-ին, բարձրացվել են Հայաստանի և Ամերիկայի Միացյալ Նահանգների դրոշները:
Նշենք, որ գործարանից ադրբեջանական դիրքերը գտնվում են մի քանի հարյուր մետր հեռավորության վրա:
Հիշեցնենք՝ խոսքն այն գործարանի մասին է, որը վերջին օրերին Ադրբեջանի զինված ուժերը շարունակ ենթարկում են գնդակոծության: Այն կառուցվում է Երասխի տարածքում՝ ԱՄՆ-ի ֆինանսավորմամբ ու ներդրումային միջոցներով:
Հունիսի 14-ին մետալուրգիական գործարանի ուղղությամբ կրակոցների հետևանքով վիրավորում էր ստացել ազգությամբ հնդիկ 2 քաղաքացի: Նրանք կառույցի շինաշխատանքներում էին ներգրավված: