Միջազգային կառույցներից հնչող կոչերը դրական արդյունք չեն տվել, ինչն ավելի ակտիվ աշխատելու հրամայական է առաջադրում. Արայիկ Հարությունյան

14-07-2023 11:06:03 | Հայաստան | Ի՞նչ է գրում մամուլը

1lurer. ԼՂ նախագահ Արայիկ Հարությունյանը հուլիսի 13-ին հրավիրել է Անվտանգության խորհրդի նիստ, որի ընթացքում քննարկվել են ԼՂ լիակատար շրջափակման խորացող հետևանքների հաղթահարման ուղղությամբ կատարվող քայլերը:

Ադրբեջանի ագրեսիվ քաղաքականության պատճառով Հանրապետությունում վատթարացող հումանիտար ճգնաժամի մասին զեկուցել է պետական նախարար Գուրգեն Ներսիսյանը:

«Նախագահ Արայիկ Հարությունյանը նշել է, որ արտաքին քաղաքական դաշտում իրականացվող ջանքերը և Արցախ-Հայաստան միջանցքի ապաշրջափակման վերաբերյալ տարբեր միջազգային կառույցներից ու պետություններից հնչող կոչերը դրական արդյունք չեն տվել ոչ միայն Արցախի շրջափակումը ճեղքելու, այլև Ադրբեջանի նկրտումները զսպելու հարցում, ինչն ավելի ակտիվ և հասցեական աշխատելու հրամայական է առաջադրում:

Ելնելով իրավիճակից՝ նախագահ Հարությունյանը տվել է մի շարք հանձնարարականներ՝ Հանրապետության կենսագործունեության ապահովման նպատակով առկա ռեսուրսների վերաբաշխման, ներքին ու արտաքին անվտանգային խնդիրների լուծման ուղղությամբ»,- հայտնում են ԼՂ նախագահի աշխատակազմի տեղեկատվության գլխավոր վարչությունից:

Նոյյան տապան - Ի՞նչ է գրում մամուլը

Կարդացել են 761 անգամ

Միջազգային կառույցներից հնչող կոչերը դրական արդյունք չեն տվել, ինչն ավելի ակտիվ աշխատելու հրամայական է առաջադրում. Արայիկ Հարությունյան

Noyan Tapan TV