Կոչ եմ անում Արցախից տարիներով սնված ու օգտվող «գործարարներին» միանալ Արցախի պաշտպանության ջանքերին. Պետնախարար

20-07-2023 20:04:13 | Արցախ (ԼՂՀ) | Քաղաքական

2020թ. 44-օրյա պատերազմի հետևանքով տեղահանված և ներկայումս Հայաստանի Հանրապետությունում գտնվող արցախցիների կողմից հուլիսի 21-ին ժամը 19:00-ին Երևան քաղաքի Ա.Մյասնիկյանի անվան հրապարակում կազմակերպվելու է հավաք՝ ի պաշտպանություն Արցախի և մեր ժողովրդի իրավունքների: Բոլորին խնդրում եմ ակտիվորեն մասնակցել հավաքին:

Բազմաթիվ զանգերից հետո ստիպված եմ Երևանյան ռեստորաններում ժամանակ սպառողներին, անտարբեր վարքագծով մեր հայրենակիցների արցախապաշտպան պայքարն արժեզրկող ու Արցախի հանրային միջոցներից տարիներ շարունակ սնված ու շարունակաբար օգտվող «գործարարներին» կոչ անել վերանայել սեփական վարքագիծը և մասնակցել տեղահանված մեր հայրենակիցների՝ Արցախի պաշտպանությանն ուղղված ջանքերին, նրանց մենակ թողնելը հավասարազոր է դավաճանության:

Գուրգեն Ներսիսյան

Արցախի Պետնախարար

Նոյյան տապան - Քաղաքական