ՌԴ ՊՆ. «Բաքվի և Երևանի հետ չի քննարկվում խաղաղապահներին դուրս բերելու հարցը»
07-10-2023 10:15:27 | Հայաստան | Ի՞նչ է գրում մամուլը
Ազատություն. Ռուսական կողմը հերքում է լուրը, թե Բաքվում կամ Երևանում քննարկվում է Ղարաբաղից խաղաղապահների դուրսբերման հարցը։
Այս մասին ՏԱՍՍ լրատվական գործակալությանը հայտնել է մի անանուն աղբյուր ռուսական դիվանագիտական շրջանակներից:
«Իրականությանը չի համապատասխանում մի շարք լրատվամիջոցների տարածած տեղեկությունը, թե Ռուսաստանի պաշտպանության նախարարության պատվիրակությունը Բաքվում կամ Երևանում քննարկում է Ղարաբաղից ռուսական խաղաղապահ զորախմբի դուրսբերման հարցը», - ասել է գործակալության զրուցակիցը և հստակեցրել. - «Խոսքը խաղաղապահների ընթացիկ գործունեության վերաբերյալ ծրագրված շփումների մասին է»։
ՀԱՅԵՐԵՆ
Русский
English
Դաս. հայերեն
French
