10-10-2023 13:48:19 | Հայաստան | Ի՞նչ է գրում մամուլը
Հայկական ժամանակ. ԱՄՆ զինված ուժերի (ԶՈՒ) շտաբի պետերի միացյալ շտաբի նախագահ Չարլզ Բրաունը զգուշացրել է Իրանին Իսրայելի հակամարտությանը չմիջամտելու մասին, գրում է tass-ը:
«Մենք ցանկանում ենք բավականին հստակ ուղերձ հղել: Մենք չենք ցանկանում, որ այս հակամարտությունը Իսրայելում ընդլայնվի, նպատակն այն է, որ Իրանը հստակ հասկանա մեր ուղերձը»,- հավելել է Բրաունը՝ պատասխանելով լրագրողների հարցին, թե ո՞րն է ԱՄՆ-ի ուղերձը:
Ավելի վաղ Reuters-ը, վկայակոչելով Պենտագոնին, հայտնել էր Չարլզ Բրաունի և Իսրայելի գլխավոր շտաբի պետ Հերզի Հալևիի հեռախոսազրույցի մասին։ Նրանք քննարկել են Իսրայելի վրա ՀԱՄԱՍ-ի զինյալների վերջին հարձակումները և Մերձավոր Արևելքի տարածաշրջանում ԱՄՆ ռազմական դիրքերն ամրապնդելու քայլերը: