14-11-2023 14:02:02 | Հայաստան | Մամլո հաղորդագրություն
"Վերադարձ" կազմակերպությունը կնպաստի Արցախի բնակիչների վերաբնակեցման և հայրենադարձության խնդիրների լուծմանը
Սույն թվականի նոյեմբերի 10-ին Հայաստանի մայրաքաղաքում տեղի է ունեցել Արցախի "Վերադարձ" իրավապաշտպան հասարակական կազմակերպության հիմնադիր ժողովը, որը կմիավորի Արցախի, Հայաստանի և Սփյուռքի քաղաքացիների ջանքերը՝ լուծելու համար մշտական բնակության վայրերից բռնի տեղահանված Արցախի բնակչության բազմաթիվ խնդիրները: Նորաստեղծ կազմակերպության հիմնական նպատակն է աջակցել Հայաստանում արցախցի հայրենակիցների ժամանակավոր տեղավորմանը և հետագայում նրանց հայրենադարձությանը:
"Վերադարձ" կազմակերպության հիմնադիրներն են․
1. Էդուարդ Պոլատով (Պոլատիդիս), Հայաստանի հույների "Պատրիդա" և "Թալիշ-սահմանամերձ բնակավայրեր" կազմակերպությունների նախագահ;
2. Սեմյոն Բաբայան, "Հանրային ազդարար" հասարակական կազմակերպության նախագահ;
3. Վահրամ Աղաջանյան, "Երրորդ Ուժ Պլյուս" թերթի գլխավոր խմբագիր;
4. Գեորգի Ղազարյան, "Ռազմաճակատային լրագրողների լիգա" հասարակական կազմակերպության համակարգող;
5. Բորիս Մեժլումյան, փոխգնդապետ, պատերազմի վետերան;
6. Հրանտ Հայրիյան, Արցախի Հանրապետության Ազգային ժողովի նախկին պատգամավոր, գրող;
7. Անահիտ Մարտիրոսյան, փոխգնդապետ, պատերազմի վետերան;
8. Սուսաննա Աղաջանյան, Արցախի Հանրապետության Մշակույթի վաստակավոր գործիչ, ուսուցիչ;
Նոր կազմակերպության ղեկավար է ընտրվել "Երրորդ Ուժ Պլյուս" թերթի խմբագիր Վահրամ Աղաջանյանը:
"Վերադարձի" հիմնադիրները հույս ունեն, որ կազմակերպության ստեղծումը թույլ կտա ձևավորել Արցախի բնակիչների խնդիրների լուծման միասնական համաձայնեցված քաղաքականություն՝ հաշվի առնելով արցախյան հասարակության բոլոր շերտերի կարծիքներն ու դիրքորոշումը: Հիմնադիրների համոզմամբ, դա կբարձրացնի ներկայումս գործող նույնատիպ բոլոր հասարակական կազմակերպությունների և միավորումների արդյունավետությունը, որոնց միավորում է վերադարձի համազգային գաղափարը: