Բլինքենը Փաշինյանի և Ալիևի հետ քննարկել է խաղաղության պայմանագրի կնքման հնարավորությունը

28-11-2023 11:16:31 | Հայաստան | Ի՞նչ է գրում մամուլը

Հայկական ժամանակ. ԱՄՆ պետքարտուղար Էնթոնի Բլինքենը հեռախոսազրույցներ է ունեցել Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հետ:

Հեռախոսազրույցների ընթացքում քննարկվել է երկու երկրների միջև խաղաղության պայմանագրի կնքման հնարավորությունը։

Այս մասին 2 առանձին հայտարարություն է տարածել ԱՄՆ պետդեպարտամենտի մամուլի խոսնակ Մեթյու Միլլերը:

Դանցից առաջինում նշվում է, որ Բլինքենը «շնորհակալություն է հայտնել նախագահ Ալիևին Ադրբեջանի և Հայաստանի միջև ամուր և ներկայացուցչական խաղաղության համաձայնագիր կնքելու պատրաստակամության համար»:

ԱՄՆ պետքարտուղարը նշել է, որ «երկարատև հակամարտությունը տառապանք է պատճառել և՛ Ադրբեջանին, և՛ Հայաստանին», ինչպես նաև ընդգծել է, որ խաղաղության համաձայնագիրը «ձեռնտու է լինելու տարածաշրջանում բոլորին»։

Մյուս հայտարարության մեջ ԱՄՆ պետդեպի խոսնակը նշել է, որ Բլինքենը Փաշինյանի հետ զրույցում քննարկել է «ԱՄՆ աջակցությունը Հայաստանի ու Ադրբեջանի միջև ամուր և արժանապատիվ խաղաղության համաձայնագրին հասնելու ջանքերին»։

«ԱՄՆ պետքարտուղարը վերահաստատել է ԱՄՆ շարունակական աջակցությունը Հայաստանի ինքնորոշմանն ու տարածքային ամբողջականությանը և ընդգծել ՀՀ հետ երկկողմ համագործակցության ընդլայնմանն ուղղված ջանքերը», քանի որ Միացյալ Նահանգներն աշխատում է աջակցել բարգավաճող և ժողովրդավար ապագա կառուցելու ՀՀ-ի տեսլականին»,-ասվում է հայտարարությունների տեքստում:

Նոյյան տապան - Ի՞նչ է գրում մամուլը

Կարդացել են 544 անգամ

Բլինքենը Փաշինյանի և Ալիևի հետ քննարկել է խաղաղության պայմանագրի կնքման հնարավորությունը

Noyan Tapan TV