Իրանի նախագահը չեղարկել է պաշտոնական այցը Թուրքիա

28-11-2023 19:05:52 | Իրան | Ի՞նչ է գրում մամուլը

azatutyun.am Իրանի նախագահ Էբրահիմ Ռաիսին այսօր, վերջին պահին, չեղարկել է իր այցը Անկարա։ Այս մասին հաղորդում է AFP գործակալությունը՝ նշելով, որ Ռաիսիի՝ Թուրքիա առաջին պաշտոնական այցի մասին դեռ նոյեմբերի 11-ին հայտարարել էր Ռեջեփ Թայիփ Էրդողանը։

«Իրանական կողմը, սակայն, հանդիպման մասին տեղեկությունները չէր հաստատում», - նկատում է AFP։

Գործակալության փոխանցմամբ՝ Ռաիսիի անսպասելի որոշմանը նախորդել է նրա և Թուրքիայի նախագահի միջև կիրակի օրը կայացած հեռախոսազրույցը։

Երկուշաբթի օրը հեռախոսով շփվել էին նաև երկու երկրների արտգործնախարարները։

Նոյյան տապան - Ի՞նչ է գրում մամուլը