Նավալնին իրոք թրոմբից է մահացել․ Ուկրաինայի ռազմական հետախուզության ղեկավար
27-02-2024 12:18:25 | Հայաստան | Ի՞նչ է գրում մամուլը
Sputnik. Բուդանովը նույնիսկ ափսոսանք է հայտնել, որ Նավալնու մահը բնական պատճառներով է եղել։
Ուկրաինայի պաշտպանության նախարարության հետախուզության գլխավոր վարչության ղեկավար Կիրիլ Բուդանովը հայտարարել է, որ ռուս ընդդիմադիր գործիչ Ալեքսեյ Նավալնին գաղութում մահացել է բնական մահով՝ թրոմբի պատճառով: Այս մասին հայտնում են ռուսական և ուկրաինական ԶԼՄ-ները։
«Եվ դա քիչ թե շատ հաստատված է, ցավոք, բնական մահ է»,-ասել է Բուդանովը՝ առանց մանրամասներ ներկայացնելու։
ՌԴ Պատիժների կատարման դաշնային ծառայության Յամալի վարչության տվյալներով՝ փետրվարի 16-ին զբոսանքից հետո Նավալնին իրեն վատ է զգացել, կորցրել է գիտակցությունը և մահացել: Նախնական տվյալներով՝ թրոմբ է պոկվել, մահվան ստույգ պատճառները պարզվում են:
Լաբիտնանգի քաղաքային հիվանդանոցից ՌԻԱ Նովոստիին հայտնել են, որ 9 րոպեում տեղ հասած շտապօգնության բժիշկները կես ժամից ավելի ապարդյուն փորձել են վերակենդանացնել Նավալնուն: Փաստի առթիվ նախաքննական ստուգում է սկսվել։
Նավալնին բանտարկվել էր 2021 թվականին , երբ «Իվ Ռոշեի» գործով նրա պայմանական պատիժը փոխարինվեց իրական ազատազրկմամբ՝ պայմանական դատապարտման ռեժիմի խախտումների պատճառով։ Այլ քրեական հոդվածներով մի քանի դատավարություններից հետո, այդ թվում՝ ծայրահեղական համայնքի ստեղծում, խարդախություն և դատարանի նկատմամբ անհարգալից վերաբերմունք (վիրավորել էր դատավորին, որը դատում էր նրան պատերազմի վետերանին զրպարտելու համար), բանտարկության վերջնական ժամկետը հասել էր 19 տարվա՝ հատուկ ռեժիմի գաղութում։
ՀԱՅԵՐԵՆ
Русский
English
Դաս. հայերեն
French
