Մոսկվան պնդում է՝ պատերազմի սպառնալիքի մասին Փաշինյանի հայտարարությունը Արևմուտքի քաղաքականության հետևանքն է
19-03-2024 14:09:58 | Հայաստան | Ի՞նչ է գրում մամուլը
Ազատություն. Ռուսաստանի արտգործնախարարության պաշտոնական ներկայացուցիչ Մարիա Զախարովան մեկնաբանել է Տավուշի մարզի բնակիչների հետ Հայաստանի վարչապետ Նիկոլ Փաշինյանի պատերազմի սպառնալիքների մասին հայտարարությունը և պնդել՝ Արևմուտքի քաղաքականության հետևանքն է։
«Ահա ինչին են հասցրել Եվրամիության, ՆԱՏՕ-ի և Վաշինգտոնից նոր կուրատորները: Խնդրում եմ նկատել՝ տվյալ հայտարարությունը ոչ մի ձևով կապ չունի Ռուսաստանի հետ։ Սա Երևանի ներկայիս իշխանությունների բացառիկ իրավասությունն է և արևմտականների հետ նրանց խորհրդակցությունների հետևանքը», - տելեգրամյան իր ալիքում գրել է ռուսաստանցի դիվանագետը։
1997-ին Հայաստանն ու Ռուսաստանը Բարեկամության, համագործակցության և փոխադարձ օգնության մասին պայմանագիր կնքեցին։ Հենց այս պայմանագրով՝ Ռուսաստանը պարտավորվեց Հայաստանի հանդեպ ագրեսիայի դեպքում միջամտել։
ՀԱՅԵՐԵՆ
Русский
English
Դաս. հայերեն
French
