Էդ վախը ո՞վ է դրել ձեր մեջ, տավուշցիներին Երևանից են առաջարկում ցույցեր անել. Անդրանիկ Քոչարյան

21-03-2024 14:14:32 | Հայաստան | Ի՞նչ է գրում մամուլը

Հայկական ժամանակ. «Այդ հարցը որտեղի՞ց առաջացավ, որ նման իրավիճակ կա, կամ կարող է լինել: Էդ վախը ո՞վ է դրել ձեր մեջ»:

Այս մասին խորհրդարանական ճեպազրույցի ժամանակ ասաց ԱԺ պաշտպանության և անվտանգության հանձնաժողովի նախագահ Անդրանիկ Քոչարյանը՝ արձագանքելով հարցին, թե Տավուշի մարզի 4 գյուղերի բնակիչներին իրենց բնակավայրերից հանելու գործընթացն ինչպե՞ս է պատկերացնում, բնական է, որ այդ մարդիկ հեշտությամբ չեն ուզենալու դուրս գալ, արդյո՞ք, օրինակ, ոստիկանական ուժեր են տարվելու նրանց դուրս հանելու համար:

«Այդ մարդիկ միշտ էլ ապրել են այնտեղ, հիմա էլ են ապրելու: Երևանից են առաջարկում ցույցեր անել: Երկու փորձագետ ունենք, մեկը փորձագետ է, մյուսը՝ Ամերիկայից եկած Խաչիկյանը, որն ինձ հիշեցնում է հայտնի ֆիլմը՝ «Ո՞վ է այդ Խաչիկյանը»: Որ ալիքը միացնում եմ՝ Խաչիկյանն Ամերիկայից եկել է ու մեզ հուշում է, թե պատերազմը վաղը այստեղից է սկսվելու, մյուս օրը՝ այնտեղից. պարոն Խաչիկյան, գնացեք Ամերիկայում այդ վախերը տածեք:

Հաջորդը փորձագետը՝ Հայկ Նահապետյանը, որը ԶՈՒ-ում ծառայություն է անցել, սկսել է լրատվական ծառայությունից, աճել մինչև կորպուսի հրամանատարի տեղակալ, առավոտից իրիկուն այդ կոդերն է տարածում, որը հիմա բարձրաձայնեցիք:

Դուք Խաչիկյանին մի լսեք, լսեք պաշտոնական իշխանությունների, համապատասխան կառույցների ղեկավարների տեսակետները»,- ասաց Քոչարյանը:

Նոյյան տապան - Ի՞նչ է գրում մամուլը

Կարդացել են 550 անգամ

Էդ վախը ո՞վ է դրել ձեր մեջ, տավուշցիներին Երևանից են առաջարկում ցույցեր անել. Անդրանիկ Քոչարյան

Noyan Tapan TV