Ուժային կառույցների ղեկավարներն ԱԺ-ում են, փակ նիստ է ընթանում
25-03-2024 14:38:36 | Հայաստան | Ի՞նչ է գրում մամուլը
Ազատություն. Հայաստանի ուժային կառույցների ղեկավարներն Ազգային ժողովում են։
Նիստին մասնակցում են, մասնավորապես, պաշտպանության նախարար Սուրեն Պապիկյանը, Զինված ուժերի գլխավոր շտաբի պետ Էդվարդ Ասրյանը, ազգային անվտանգության ծառայության տնօրեն Արմեն Աբազյանը, ներքին գործերի նախարար Վահե Ղազարյանը։
Նիստը մեկնակեց դռնբաց, սակայն Պապիկյանը հայտարարեց, որ ինֆորմացիան հույժ գաղտնի է և խնդրեց նիստի շարունակությունը փակ ռեժիմով անցկացնել։
Ազգային ժողովի պատգամավոր, Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը կոչ արեց լրագրողներին ըմբռնումով մոտենալ ու լքել դահլիճը։
«Իսկ մեր գործընկերներն, ովքեր ունեն հեռախոսներ, արկղը մեր, որ «Հրապարակ» թերթը գրել էր, որ շատ խորհրդավոր արկղ է, խորհրդավոր արկղը գտնվում է էստեղ, բոլոր հեռախոսները, խնդրում եմ, դրեք արկղի մեջ, որպեսզի հակառակորդները չկարողանան լսել մեր փակ մասի բովանդակությունը», - ասաց Քոչարյանը։
ՀԱՅԵՐԵՆ
Русский
English
Դաս. հայերեն
French
