ՌԴ ՊՆ-ն հայտնել է Բելգորոդը հրետակոծելու փորձի մասին. կան տուժածներ, երեխաները տարհանվում են
27-03-2024 14:39:59 | Հայաստան | Ի՞նչ է գրում մամուլը
Հայկական ժամանակ. Անցած գիշեր Բելգորոդի մարզում հակաօդային պաշտպանության ուժերը ոչնչացրել են RM-70 Vampire բազմակի արձակման հրթիռային համակարգի (MLRS) 18 արկ, հայտնում է ՌԴ պաշտպանության նախարարությունը։
Մոսկվայի ժամանակով ժամը 1:00-ի սահմաններում (ՀՀ ժամանակով՝ 2:00) նահանգապետ Վյաչեսլավ Գլադկովը հայտնել է, որ Բելգորոդի մոտակայքում 18 օդային թիրախ է խոցվել։ Բացի այդ, մի տղամարդ վիրավորվել է, նա բեկորային վնասվածքներ է ստացել գոտկատեղի շրջանում։ Բժիշկները տուժածին տեղափոխել են հիվանդանոց։
Բելգորոդի մերձակայքում՝ Դուբովոե գյուղում, բազմաբնակարան շենքի երկու բնակարանների պատուհանները կոտրվել են, ինը առանձնատներում վնասվել են պատուհաններ, տանիքներ, ցանկապատեր և շենքի ճակատներ, տուժել է նաև վեց ավտոմեքենա։ Տավրովո գյուղում վնասվել է երկու առանձնատան տանիք և երկու ավտոմեքենա, Նիկոլսկոյե գյուղում՝ մեկ առանձնատան տանիք։
Մարտին ակտիվացել են Ուկրաինայից Բելգորոդի և տարածաշրջանի սահմանամերձ շրջանների վրա հարձակումները։ Երեկ՝ մարտի 26-ի գիշերը, հարձակման է ենթարկվել նաև շրջկենտրոնը, խոցվել է 13 օդային թիրախ (նաև Vampire MLRS արկերով)։ Գլադկովը հայտնել է Դուբովոյում երկու զոհի մասին։
Գիշերային հարձակման ժամանակ քաղաքի նախազգուշացման ազդանշանները չեն հնչել. նահանգապետը նշել է, որ դա արվել է, որպեսզի «ազդանշանը ստանալուց հետո ոչ ոք դուրս չվազի փողոց, նստի մեքենա և սկսի վարել վտանգավոր հատվածներով, քանի որ տները ավելի ապահով են:
Միաժամանակ նրանք որոշել են սոցցանցերում բնակիչներին հարցնել՝ արդյոք պե՞տք է վարվել այդպես, թե՞ միացնել օդային տագնապի ազդանշանները: Արդյունքում, Բելգորոդի բնակիչները կողմ են արտահայտվել ձայնային նախազգուշացումների կիրառմանը նաև գիշերային ժամերին:
Նահանգապետ Վյաչեսլավ Գլադկովը նաև հայտարարել է, որ օպերատիվ իրադրության պատճառով Բելգորոդի մարզից երեխաներին տեղափոխում են Ռուսաստանի այլ տարածաշրջաններ: Մասնավորապես, Կալուգա, Պենզա, Տամբով, Աստրախան, Սամարա, հարյուրավոր երեխաներ արդեն այնտեղ են, Մոսկվայի մարզում և Կրասնոդարի երկրամասում ևս։ Վերջին 2 շրջաններ մի քանի օրում ուղարկվել է Բելգորոդի տարածաշրջանից 2800 երեխա:
Գլադկովը հավելել է, որ մինչև շաբաթվա վերջ շուրջ 9000 երեխա կտեղավորվի ՌԴ տարբեր մարզերի առողջարանային ճամբարներում:
Իր հերթին Ուկրաինայի զինված ուժերի գլխավոր շտաբը հայտնել է, որ գիշերը խոցվել են ռուսական բանակի արձակած 13 «Կամիկաձե» անօդաչուներից տասը։ ԱԹՍ-ների հարվածներն ուղղված են եղել Սումիի, Խարկովի և Պոլտավայի մարզերին։
Խարկովի մարզում, ըստ տեղի իշխանությունների, ԱԹՍ-ներից մեկը հարվածել է Իզյում քաղաքի քաղաքացիական ենթակառուցվածքին, մասամբ փլուզվել է գիմնազիայի շենքը, վնասվել են դրա մերձակայքում գտնվող բնակելի տները։ 1 տղամարդ վիրավորվել է։
ՀԱՅԵՐԵՆ
Русский
English
Դաս. հայերեն
French
