Մոսկվան չի հրաժարվել Երևան-Բաքու բանակցային գործընթացում «ազնիվ միջնորդի» դերից. դեսպան
05-09-2024 12:31:18 | Հայաստան | Ի՞նչ է գրում մամուլը
Ազատություն․ «Ռուսաստանը երբեք չի հրաժարվել Հայաստանի և Ադրբեջանի միջև բանակցային գործընթացում «ազնիվ միջնորդի» իր դերից», - «Союзники. ОДКБ»-ի («ՀԱՊԿ. Դաշնակիցներ») հարցազրույցում հայտարարել է Հայաստանում Ռուսաստանի դեսպան Սերգեյ Կոպիրկինը։
«Մենք հույս ունենք, որ առկա տարաձայնությունները շուտափույթ լուծում կստանան, և հաջող առաջընթաց կբերի հայ-ադրբեջանական հարաբերությունների կարգավորման այլ ոլորտներում՝ ամենաբարձր մակարդակով եռակողմ պայմանավորվածություններին համապատասխան», - ասել է նա։
Սերգեյ Կոպիրկինն ընդգծել է, որ Ռուսաստանը պատրաստ է «լիարժեք աջակցություն ցուցաբերել բարեկամ երկու երկրների և ժողովուրդների հաշտեցմանը»։
Հայ-ռուսական լարված հարաբերություններին զուգահեռ Երևանը հրաժարվում է Մոսկվայի առաջարկած բանակցային հարթակից։
Պաշտոնական Երևանը կասկածի տակ էր դրել Հայաստանի և Ադրբեջանի միջև հարաբերությունների կարգավորման գործընթացում Ռուսաստանի կառուցողական ներգրավվածությունը: Սրանով Երևանն, ըստ էության, նաև մերժել էր նախագահ Պուտինի Բաքվում հնչեցրած առաջարկը՝ աջակցել կողմերին խաղաղության գործընթացում:
ՀԱՅԵՐԵՆ
Русский
English
Դաս. հայերեն
French
