Իսրայելը ուժգին հարվածներ է հասցրել Բեյրութի հարավային շրջանին
04-10-2024 15:41:20 | Հայաստան | Ի՞նչ է գրում մամուլը
Ազատություն. Բեյրութի հարավային արվարձաններում, միջազգային օդանավակայանին հարակից տարածքներում անցած գիշերը ուժեղ պայթյուններ են որոտացել։ «Ֆրանս Պրես»-ը հաղորդում է, որ Իսրայելը առնվազն 11 հարված է հասցրել «Հեզբոլա» խմբավորման օբյեկտներին։
«Հեզբոլա»-ն զինված խմբավորում է և քաղաքական կուսակցություն, որը վերահսկում է հարավային Լիբանանի մեծ մասը: Այն ներկայացված է Լիբանանի խորհրդարանում։
Ըստ ամերիկյան լրատվամիջոցների՝ հնարավոր է թիրախավորվել անցյալ շաբաթ օրը սպանված խմբավորման առաջնորդի զարմիկ և նրա հավանական իրավահաջորդ՝ Հաշիմ Սաֆի ադ-Դինը։ 2017 թվականին ԱՄՆ պետդեպարտամենտը նրան ներառել էր հետախուզվող ահաբեկիչների ցանկում։ Հաշիմ Սաֆի ադ-Դինի տղայի կինը 2020-ին ամերիկացիների հարվածից սպանված իրանցի գեներալ Ղասեմ Սոլեյմանիի աղջիկն է։
Իսրայելի բանակը Լիբանանի հարավի բնակիչներին կոչ էր արել հեռանալ դեպի հյուսիս, քանի որ նրանք գտնվում են «Հեզբոլա»-ի օբյեկտների մոտ, որոնք ենթակա են հարձակման։
Տասնյակ հազարավոր մարդիկ փորձում են հեռանալ Լիբանանից, հիմնականում դեպի Սիրիա, բայց երկու երկրները կապող գլխավոր ճանապարհը իսրայելական ավիահարվածերի հետևանքով խիստ վնասվել է։
ՀԱՅԵՐԵՆ
Русский
English
Դաս. հայերեն
French
