«Կասպերսկի» ընկերության Հայաստանի ներկայացուցչություն: PipeMagic տրոյացին, որն առաջին անգամ նկատվել է 2022-ին, ասիական ընկերությունների վրա գրոհներում, նոր թիրախներ ունի՝ կազմակերպություններ ասիական մեկ այլ երկրում՝ Սաուդյան Արաբիայում: Դա հայտնաբերել են Kaspersky GReAT-ի փորձագետները 2024-ի սեպտեմբերին։  Բեքդորը, որը կարողանում է գողանալ գաղտնի տվյալները և հեռավար հասանելիություն ստանալ կոտրանքի ենթարկված սարքերին, կորպորատիվ համակարգեր է ներթափանցում ChatGPT հավելվածի քողի տակ։

 

«Կասպերսկի» ընկերությունը հայտնում է, որ այդ ալիքում օգտագործվել է կեղծ ChatGPT հավելվածը, որը գրված է եղել Rust ծրագրավորման լեզվով: Առաջին հայացքից այն օրինական է թվում,  պարունակում է մի քանի սովորական Rust շտեմարաններ, որոնք օգտագործվում են այդ լեզվով գրված բազմաթիվ հավելվածներում: Սակայն, հավելվածը բացելու դեպքում դատարկ էկրան կհայտնվի: Դրա հետևում թաքնված է ծածկագրված տվյալների զանգված՝ 105 615 բայթ չափով, որը պարունակում է վնասաբեր ԾԱ։ Այն անվանումների հեշավորման ալգորիթմների օգնությամբ հիշողությունում համապատասխան տեղաշարժերի որոնման միջոցով փնտրում է Windows API-ի առանցքային գործառույթները, իսկ այնուհետև բեռնում է բեքդորը, կարգավորում  անհրաժեշտ պարամետրերը և գործարկում այն:

 

«Չարագործներն ավելի խոշոր զոհերի գրոհելու համար անընդհատ կատարելագործում են իրենց ռազմավարությունները և ընդլայնում իրենց ներկայությունը: Դրա օրինակը PipeMagic արշավն է: Մենք սպասում ենք, որ այս բեքդորի օգտագործմամբ կիբեռգրոհների թիվը կաճի»,- մեկնաբանում է GReAT-ի առաջատար փորձագետ Սերգեյ Լոժկինը:

 

Հայտնի և անհայտ կիբեռխմբերի թիրախային գրոհներից խուսափելու համար «Կասպերսկի» ընկերության փորձագետները խորհուրդ են տալիս.

 

• զգուշություն դրսևորել համացանցից, հատկապես՝ կողմնակի կայքերից ծրագրեր ներբեռնելիս. ԾԱ ներբեռնել միայն պաշտոնական աղբյուրներից (հավելվածների խանութներից կամ մշակող ընկերությունների կայքերից).

• անվտանգության մոնիտորինգի կենտրոնների (SOC) աշխատակիցներին տրամադրել հասանելիություն  չարագործների նորագույն մարտավարությունների, տեխնիկաների և ընթացակարգերի վերաբերյալ թարմ տեղեկատվությանը, օրինակ՝  Threat Intelligence ծառայությունների միջոցով.

• տեղադրել հուսալի պաշտպանական լուծում, որի արդյունավետությունը հաստատվում է անկախ թեստավորման լաբորատորիաների կողմից.

• վերջնակետերի մակարդակում միջադեպերը ժամանակին հայտնաբերելու, հետաքննելու և վերացնելու համար օգտագործել EDR լուծումներ, ինչպիսին է Kaspersky EDR Expert-ը.

• ի լրումն վերջնական կետերի պաշտպանության հիմնական  միջոցների ներդնել կորպորատիվ մակարդակի անվտանգության լուծում, որը վաղ փուլում հայտնաբերում է ժամանակակից սպառնալիքները ցանցի մակարդակում, օրինակ՝ Kaspersky Anti Targeted Attack.  

• քանի որ թիրախային շատ գրոհներ սկսվում են ֆիշինգով կամ սոցիալական ինժեներիայի այլ մեթոդներով, բարձրացնել աշխատակիցների շրջանում կիբեռանվտանգության մասին իրազեկվածության մակարդակը, օրինակ՝ Kaspersky Automated Security Awareness Platform-ի միջոցով:

 

«Կասպերսկի» ընկերության մասին

 

«Կասպերսկի»-ն միջազգային ընկերություն է, որը 1997-ից աշխատում է տեղեկատվական անվտանգության և թվային գաղտնիության ոլորտում: Այսօրվա դրությամբ ընկերությունը պաշտպանել է ավելի քան 1 միլիարդ սարք զանգվածային կիբեռսպառնալիքներից և թիրախային գրոհներից, և նրա կուտակած գիտելիքներն ու փորձը հետևողականորեն փոխակերպվում են նորարարական լուծումների և ծառայությունների՝ ամբողջ աշխարհում բիզնեսի, կրիտիկական կարևոր ենթակառուցվածքների, պետական մարմինների և շարքային օգտատերերի պաշտպանության համար: «Կասպերսկի» ընկերության ընդարձակ պորտֆոլիոն ներառում է վերջնական սարքերի պաշտպանության առաջադեմ տեխնոլոգիաներ, մի շարք մասնագիտացված պրոդուկտներ և ծառայություններ, ինչպես նաև կիբեռիմունային լուծումներ՝ բարդ և անընդհատ զարգացող կիբեռսպառնալիքների դեմ պայքարելու համար: Մենք օգնում ենք ամբողջ աշխարհում 200 հազար կորպորատիվ հաճախորդների պաշտպանել իրենց համար ամենաարժեքավորը: 

 

«Կասպերսկի» ընկերության Հայաստանի ներկայացուցչություն

 

 

Նոյյան տապան  -   Գիտություն եւ տեխնոլոգիաներ