Թրամփը Փեմ Բոնդիի թեկնածությունն է առաջադրել ԱՄՆ գլխավոր դատախազի և արդարադատության նախարարի պաշտոնում
22-11-2024 15:52:12 | Հայաստան | Ի՞նչ է գրում մամուլը
1lurer. ԱՄՆ ընտրված նախագահ Դոնալդ Թրամփը Ֆլորիդա նահանգի նախկին դատախազ Փեմ Բոնդիի թեկնածությունն է առաջադրել ԱՄՆ գլխավոր դատախազի պաշտոնում, որը գլխավորում է նաև արդարադատության նախարարությունը:
«Փեմը դատախազ է աշխատել գրեթե 20 տարի՝ կոշտ վերաբերվելով հանցագործներին և Ֆլորիդայի ընտանիքների համար փողոցներն անվտանգ դարձնելով»,- նշել է Թրամփը:
Նրա խոսքով՝ Փեմն արդարադատության նախարարության ուշադրությունը կկենտրոնացնի հանցավորության դեմ պայքարի և Միացյալ Նահանգների անվտանգության ապահովման ուղղությամբ:
Ավելի վաղ Թրամփը ԱՄՆ գլխավոր դատախազի և արդարադատության նախարարի պաշտոնում առաջադրել էր Մեթ Գեթսի թեկնածությունը: Նախօրեին վերջինս հետ է կանչել իր թեկնածությունը:
ՀԱՅԵՐԵՆ
Русский
English
Դաս. հայերեն
French
