Բրիտանացի հայտնի արտիստ Քրեյգ Դեյվիդը Հայաստանում կներկայացնի իր հանրահայտ, ցնցող TS5 շոուն

28-11-2024 15:29:44 | Հայաստան | Հասարակություն

Բրիտանացի հայտնի արտիստ Քրեյգ Դեյվիդը Հայաստանում կներկայացնի իր հանրահայտ, ցնցող TS5 շոուն, որով նա հանդես է եկել աշխարհի խոշոր դահլիճներում՝ Լոնդոնից մինչև Լոս Անջելես, «Գլաստոնբերի»-ից մինչև O2 Academy Brixton։ Համերգի ընթացքում Քրեյգ Դեյվիդը կկատարի «7 Days», «Fill Me In», «Walking Away» հիթերը՝ զուգակցված բացառիկ DJ ռեմիքսներով։

Երեկոն մեզ համար ավելի թեժ կդարձնեն DJ Smoke-ն, D' Litte-ը և LEAH-ը՝ հանդիսատեսին փոխանցելով բարձր տրամադրություն և անսպառ էներգիա։ Դեկտեմբերի 2-ին Կարեն Դեմիրճյանի անվան մարզահամերգային համալիրում տեղի կունենա տարվա սենսացիոն երեկոն։

Համերգը կազմակերպվում է «Հայա» փառատոնի կողմից, որի շրջանակում Երևանում արդեն ելույթ են ունեցել Zaz-ը, 50 Cent-ը, Led Zeppelin Symphonic-ը և Հաուսերը։ Համերգը իրականացվում է Զբոսաշրջության կոմիտեի աջակցությամբ։

Տոմսերը՝ սկսած 5000 դրամից, կարելի է ձեռք բերել Ticketon հարթակից։

Նոյյան տապան - Հասարակություն