Էրդողանը հայտարարել է, որ եկել է Սիրիայի հյուսիսում ահաբեկիչներին չեզոքացնելու ժամանակը
21-12-2024 11:42:30 | Հայաստան | Ի՞նչ է գրում մամուլը
shantnews.Թուրքիայի նախագահ Ռեջեփ Թայիփ Էրդողանը հայտարարել է, որ Անկարան կարող է ուղղակիորեն միջամտել Սիրիայի հյուսիսում տիրող իրավիճակին՝ վերացնելու այն վտանգը, որը Թուրքիան տեսնում է քրդական խմբավորումների մեջ, հայտնում է AP-ն՝ վկայակոչելով մի խումբ լրագրողների առաջ նախագահի ելույթի ձայնագրությունը։
«Մենք ցույց կտանք, որ եկել է Սիրիայում գործող ահաբեկչական կազմակերպություններին չեզոքացնելու ժամանակը։ Մենք դա կանենք՝ կանխելու հետագա սպառնալիքները, որոնք բխում են մեր սահմաններից հարավ»,- ասել է Էրդողանը։
Նրա խոսքով՝ Սիրիայի հետ սահմանին անվտանգության ապահովումը կօգնի նաև կանխել Քրդստանի աշխատավորական կուսակցության (PKK) կողմից նոր զինյալների հավաքագրումը։
Դեկտեմբերի 1-ին Թուրքիայի կողմից աջակցվող «Սիրիայի ազգային բանակ» (SNA) ռազմական խմբավորումը սկսել է «Ազատության արշալույս» գործողությունը, որի նպատակն է վերականգնել անվտանգությունը Սիրիայի հյուսիսում։ Մասնավորապես, SNA-ն դուրս է մղել PKK-ի և սիրիական քրդական ինքնապաշտպանական ուժերի (YPG) ստորաբաժանումները Հալեպի հյուսիսում գտնվող Թել Ռիֆաաթ քաղաքից:
PKK-ն ճանաչված է որպես ահաբեկչական կազմակերպություն Թուրքիայում, ԱՄՆ-ում և ԵՄ-ում։ Այնուամենայնիվ, Թուրքիան վիճաբանության մեջ է ԱՄՆ-ի և ԵՄ-ի հետ՝ կապված YPG-ին աջակցելու հետ, որը Անկարան համարում է PKK-ի մաս: Ոչ ԱՄՆ-ն, ոչ ԵՄ-ն YPG-ին չեն ճանաչում որպես ահաբեկչական կազմակերպություն։
Դեկտեմբերի 8-ին նախագահ Բաշար ալ-Ասադը լքեց Սիրիան և իշխանությունն անցավ զինված ընդդիմությանը։
ՀԱՅԵՐԵՆ
Русский
English
Դաս. հայերեն
French
