ԱՄՆ-ում անտառային հրդեհները հասել են «Հոլիվուդ»-ի բլուրներին. Թրամփն իրավիճակը «ապոկալիպտիկ» է որակել
09-01-2025 12:28:51 | Հայաստան | Ի՞նչ է գրում մամուլը
Հայկական ժամանակ․ ԱՄՆ Կալիֆորնիա նահանգում մոլեգնող ավերիչ անտառային հրդեհները հասնել են հանրահայտ Hollywood գրությամբ բլուրներին, հայտնում է CNN-ը:
Ըստ կանխատեսումների՝ ներկայիս հրդեհները կարող են դառնալ ԱՄՆ պատմության մեջ ամենազանգվածային ու ավերիչ անտառային հրդեհները: ԱՄՆ նորընտիր նախագահ Դոնալդ Թրամփն իրավիճակը «ապոկալիպտիկ» է որակել:
Արագ տարածվող հրդեհը նաև հայաշատ բնակավայրերում է՝ Գլենդեյլ, Բըրբանք, Փասադենա, Սիլմար։
Հրդեհները վնասել են հոլիվուդյան հայտնի մարդկանց տները, այդ թվում՝ Փերիս Հիլթոնի, Բիլլի Քրիսթալի և Մենդի Մուրի։
Ջո Բայդենը չեղարկել է իր ուղևորությունը Հռոմ և Վատիկան Կալիֆորնիայում մոլեգնող անտառային հրդեհների պատճառով։ Այդ այցը պետք է լիներ նրա վերջին արտասահմանյան այցը ԱՄՆ նախագահի պաշտոնում:
Հ. Գ. ավելի ուշ հայտնի է դարձել, որ նշված լուսանկարը ֆեյք է: Տեղաբնակները և ականատեսները կիսվել են, ինչպես իրենք են վստահեցնում, նշանի ներկայիս լուսանկարներվ, որոնցում կրակի հետքեր չկան, երևում են միայն ծխի ամպերը: Կրակն իսկապես մոտ է «Հոլիվուդ»-ի բլուրներին, սակայն տառերին այն չի հասել:
ՀԱՅԵՐԵՆ
Русский
English
Դաս. հայերեն
French
