Փաշինյանը վստահեցնում է, որ համընդհանուր հայտարարագրումը չի կարող լրացուցիչ հարկային բեռ լինել (լրացվող)


Փաշինյանը վստահեցնում է, որ համընդհանուր հայտարարագրումը չի կարող լրացուցիչ հարկային բեռ լինել (լրացվող)

  • 31-01-2025 12:44:29   | Հայաստան  |  Ի՞նչ է գրում մամուլը

 
12:41
Ազատություն. «Վարկանիշն այդպիսի բան է, վարկանիշը նվազում է, աճում է, երբեմն նվազում է, էլ երբեք չի աճում, և քաղաքական գործունեությունն էլ մարդկանց հետ երկխոսելու միջոց է», - մեկնաբանելով «Գելլափի» հարցումները, թե եթե այս շաբաթ ընտրություններ լինեին, շուրջ 11 տոկոս ձայն կհավաքեր իր ղեկավարած «Քաղաքացիական պայմանագիրը», - ասաց վարչապետը:
 
12:19
Հայաստանի վարչապետը վստահեցնում է՝ որևէ պարագայում սոցիալապես խոցելի խավի համար կամ որևէ մեկի համար համընդհանուր հայտարարագրումը չի կարող լրացուցիչ հարկային կամ ֆինանսական բեռ ավելացնել: Այսօր լրագրողների հետ հանդիպմանը նա Նիկոլ Փաշինյանը նշեց, որ եկամուտների համընդհանուր հայտարագրման համակարգում չի նախատեսվում ՀՀ որևէ օրենսդրության կամ դրույքաչափի փոփոխություն:
 
«Նույնիսկ նվազագույն աշխատավարձ ստացող քաղաքացին կարող է ետ ստանալ տարեկան 100 հազար դրամ», - ասաց նա:
 
Մայիսի 1-ից՝ եկամուտները հայտարարագրելու վերջնաժամկետից երեք ամիս առաջ թեման շարունակում է թեժ քննարկվել և՛ քաղաքացիների շրջանում, և՛ Կառավարությունում:
 
Սոցիալական կրեդիտ ասվածը, որի մասին այսօր նշեց վարչապետը, տարեկան մոտ 70 միլիարդ դրամն է, որ կառավարությունը պատրաստվում է վերադարձնել քաղաքացիներին նրանց վճարած եկամտային հարկից: Այս տարի հայտարարագիր լրացնողները դիմելու դեպքում կարող են իրենց հարկերից հետ ստանալ մինչև 100 հազար դրամ, եթե կատարել են առողջապահական կամ կրթական ծախսեր:
 
Մինչ Կառավարությունը խոստանում է հայտարարագրողներին խրախուսել մինչև 100 հազար դրամներով, քաղհասարակության ներկայացուցիչներից պնդում են, որ քաղաքացիների շրջանում վստահություն չկա Կառավարության նկատմամբ, ու շատերը հայտարարագրման հրավերն ընկալում են որպես հնարավոր ծուղակ։
 
 
Նոյյան տապան  -   Ի՞նչ է գրում մամուլը