Այդպիսի վարկած կա ՀՀ-ում․ վարչապետը՝ Հոկտեմբերի 27-ի և Մեղրիի փոխանակման պլանի միջև առկա կապի մասին
31-01-2025 15:28:57 | Հայաստան | Ի՞նչ է գրում մամուլը
Կարեն Դեմիրճյանի անվան մարզահամերգային համալիրում հրավիրած ասուլիսի ժամանակ պատասխանելով «Հայկական ժամանակ»-ի հարցին, թե արդյոք կապ կա՞ Մեղրիի փոխանակման պլանի և «Հոկտեմբերի 27»-ի միջև, հայտարարեց ՀՀ վարչապետ Նիկոլ Փաշինյանը։
«Այդպիսի վարկածներ հնչել են։ Դա հայտնի փաստ է։ Անձամբ ես ի՞նչ եմ մտածում, մանավանդ այս համատեքստում, երբ «Հոկտեմբերի 27»-ի գործը քննության առումով շարունակվում է, որևէ մեկնաբանություն այդքան էլ պատեհ չէ»,- նկատեց վարչապետը։
«Ազատություն» ռադիոկայանը հրապարակել է ԱՄՆ Պետդեպարտամենտի գաղտնազերծած փաստաթղթերը, որոնք վկայում են՝ 90-ականների վերջին Ռոբերտ Քոչարյանն ու Հեյդար Ալիևը տետ ա տետ՝ առանց միջնորդների, համաձայնության էին եկել լուծել Ղարաբաղյան խնդիրը տարածքների փոխանակմամբ՝ Մեղրին Ղարաբաղի դիմաց։ Ամերիկյան գաղտնի հեռագրերը բացահայտում են մանրամասներ, որոնք մինչ այս երբեք չեն հրապարակվել։
ՀԱՅԵՐԵՆ
Русский
English
Դաս. հայերեն
French
