ԲԻԼԲԱՈ, 5 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 4-ին Իսպանիայի Բիլբաո քաղաքում շախմատի «Մեծ սաղավարտի» մրցախարի 3-րդ փուլում Լեւոն Արոնյանը (Հայաստան) ոչ ոքի խաղաց Վիշվանաթան Անանդի (Հնդկաստան) հետ: Խաղաղ դաշն կնքեցին նաեւ Թեմուր Ռաջաբովն (Ադրբեջան) ու Վասիլի Իվանչուկը (Ուկրաինա): Իսկ առաջատար Մագնուս Կառլսենը (Նորվեգիա) պարտվեց Վեսելին Թոփալովին (Բուլղարիա): 3 փուլից հետո 5 միավորով առաջատարը դարձավ Վ. Թոփալովը: Մ.Կառլսենը ունի 4 միավոր, Վ.Անանդը, Վ.Իվանչուկը, Թ.Ռաջաբով` 3-ական, իսկ Լ.Արոնյանը` 2 միավոր: Սեպտեմբերի 5-ին նշանակված 4-րդ փուլում Լ.Արոնյանի մրցակիցն է Վ.Իվանչուկը:

---