ԵՐԵՎԱՆ, 3 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Սեպտեմբերի 5-նի Երեւան կժամանի Թուրքիայի ֆուտբոլի ազգային հավաքականը: Թիմը կհանգրվանի «Արմենիա-Մարիոթ» հյուրանոցում: Աշխարհի 2010թ.-ի առաջնության ընտրական փուլի Հայաստանի հավաքականի հետ հանդիպմանը նախապատրաստվող Թուրքիայի ընտրանու գլխավոր մարզիչ Ֆաթիհ Թերիմը ուսումնամարզական հավաքում ընդգրկել է 28 ֆուտբոլիստի: Նրանցից 17-ը Եվրոպայի վերջին առաջնության մասնակիցներ են: Թիմում բացակայում են դարպասապահ Ռուշտու Ռեջբերը եւ առաջատար Նիհատ Կահվեչին:

---