Անահիտ Ավանեսյանի չնախատեսված այցերը մարզային բժշկական կենտրոններ շարունակվում են
30-05-2025 17:24:44 | Հայաստան | Մամլո հաղորդագրություն
Հետևելով մարզերի մեր քաղաքացիներից պարբերաբար ստացվող ահազանգերին ու դիտարկումներին` առողջապահության նախարար Անահիտ Ավանեսյանի չնախատեսված այցերը մարզային բժշկական կենտրոններ շարունակվում են:
Խնդիրներին ու հնարավորություններին տեղում ծանոթանալու, պացիենտների հետ անմիջական զրուցելու համար նախարարի չնախատեսված հերթական մարզային այցը Կոտայք էր, առաջին կանգառը` Աբովյանի բժշկական կենտրոնը:
Նախարարը եղել է և՛ պոլիկլինիկական, և՛ հիվանդանոցային հատվածներում, ծանոթացել մասնագիտական ու տեխնիկական հնարավորություններին, տրամադրվող բուժծառաության որակին ու մահճակալային ծանրաբեռնվածությանը, զրուցել պացիենտների հետ:
Անահիտ Ավանեսյանը կենտրոնի իմունիզացիայի սենյակում հետևել է ջրծաղիկի դեմ պատվաստման գործընթացին: Նախարարը շրջել է նաև Աբովյանի ծննդատանը, որտեղ տարեկան շուրջ 800 ծնունդ է գրանցվում:
Կարևորելով մարզաբնակ մեր քաղաքացիների հետ առկա հետադարձ կապը` նախարարը շարունակելու է չնախատեսված այցերը:
ՀԱՅԵՐԵՆ
Русский
English
Դաս. հայերեն
French
