Ուրախ ենք, որ ներգրավված ենք Հայաստանի և Ադրբեջանի վերաբերյալ բազմաթիվ պայմանավորվածություններում. Թեմի Բրյուս
09-07-2025 13:04:00 | Հայաստան | Ի՞նչ է գրում մամուլը
1lurer. ԱՄՆ պետքարտուղարության մամուլի խոսնակ Թեմի Բրյուսը հուլիսի 8-ին կայացած ճեպազրույցի ընթացքում անդրադարձել է պետքարտուղար Մարկո Ռուբիոյի՝ Հայաստանի և Ադրբեջանի միջև խաղաղության համաձայնագիր կնքելու մասին հայտարարությանը:
«Մենք ուրախ ենք բազմաթիվ պայմանավորվածությունների, հրադադարների և փոփոխությունների համար, որոնցում ներգրավված ենք եղել։ Պետքարտուղարը դա ասելու համար պատճառ է ունեցել, և երբ մենք ավելի շատ մանրամասներ ունենանք, ես դրանք կտրամադրեմ ձեզ»,- ասել է Բրյուսը։
Այս կերպ նա պատասխանել է հարցին, թե արդյոք ԱՄՆ-ի ակտիվ ներգրավվածություն կա Հայաստանի և Ադրբեջանի միջև գործընթացներում, և ի՞նչն է ԱՄՆ պետքարտուղարին ստիպում հավատալ, որ այդ գործընթացներում դրական ավարտ է լինելու:
Թեմի Բրյուսն ընդգծել է, որ պետքարտուղարի համար կարևոր էր այդ հայտարարությունն անելը։
ՀԱՅԵՐԵՆ
Русский
English
Դաս. հայերեն
French
