Տիգրան Ավինյանը մասնակցել է Սևան ստարտափ սամմիթին, պատմել Երևանի թվային վերափոխման մասին
26-07-2025 12:15:24 | Հայաստան | Մեկնաբանություն
Երևանի քաղաքապետ Տիգրան Ավինյանը ֆեյսբուքի իր էջում տեսանյութ է հրապարակել կից կատարելով հետևյալ գրառումը.
«Երեկ մասնակցեցի Սևան ստարտափ սամմիթին, որտեղ պատմեցի Երևան քաղաքի թվային վերափոխման մասին:
2021-ին քաղաքապետարանի միջանցքներում դեռ պտտվում էին փաստաթղթերով լցված սայլակներ, իսկ այսօր Երևանը դարձել է ժամանակակից, թվային և բնակիչների կարիքներին արագ արձագանքող քաղաք։
▫️ Ստեղծել ենք «Ակտիվ Քաղաքացի» հարթակը՝ մասնակցային կառավարման նոր գործիք,
▫️ Գործարկել ենք Էլեկտրոնային ծառայությունների միասնական հարթակը,
▫️Հիմնել ենք միավորված GIS համակարգը, որը թույլ է տալիս կառավարման բոլոր մակարդակներում օգտագործել իրական ժամանակում թարմացված տարածական տվյալներ։
Մեր այս աշխատանքը, որն իրականացրել ենք մոտ 6 ամսում, միջազգային գնահատանքի արժանացավ․ 2025-ին Երևանը, GEOVIBE-ի հետ միասին, ստացավ SAG մրցանակը՝ Esri համաշխարհային GIS համաժողովում»,։
ՀԱՅԵՐԵՆ
Русский
English
Դաս. հայերեն
French
