ԵՐԵՎԱՆ, 14 ՀՈՒԼԻՍԻ, ՆՈՅՅԱՆ ՏԱՊԱՆ: ՀՀ նախագահի աշխատակազմի ղեկավար Հովիկ Աբրահամյանի եւ Եվրոպայի Խորհրդի մարդու իրավունքների հանձնակատար Թոմաս Համմարբերգի հուլիսի 14-ի հանդիպմանը քննարկվել են Եվրոպայի Խորհրդի Խորհրդարանական Վեհաժողովի թիվ 1609 եւ 1620 բանաձեւերի կատարման ընթացքը, մասնավորապես, անդրադարձ է եղել անազատության մեջ գտնվող անձանց իրավական կարգավիճակի եւ մարտի 1-ի իրադարձությունների անկախ հետաքննության խորհրդարանական ձեւաչափի հետ կապված հարցերին: ԵԽ մարդու իրավունքների հանձնակատարն այս խնդիրների վերաբերյալ սեպտեմբեր ամսին մոնիտորինգի հանձնաժողովում պետք է ներկայացնի զեկույց: Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ նախագահի Մամլո գրասենյակից, Հ.Աբրահամյանը վստահեցրել է, որ Հայաստանի իշխանությունները հաստատակամ են մարտի 1-ի իրադարձությունների լիարժեք հետաքննության եւ մեղավորներին պատժելու հարցում: Նա միաժամանակ ընդգծել է, որ որեւէ մեկը չի կարող հետապնդվել քաղաքական հայացքների համար:

---