ԵՐԵՎԱՆ, 2 ՀՈՒԼԻՍԻ, ՆՈՅՅԱՆ ՏԱՊԱՆ: 2008թ.-ի հունվար-մայիսին Հայաստանում առեւտրի շրջանառությունը, ընթացիկ գներով, կազմել է 519 մլրդ 577,1 մլն դրամ (ավելի քան 1 մլրդ 686,3 մլն ԱՄՆ դոլար), ինչը 2007թ.-ի նույն ցուցանիշի նկատմամբ, համադրելի գներով, աճել է 3,7%-ով: ՀՀ Ազգային վիճակագրական ծառայության տվյալներով, 2008թ.-ի հունվար-մայիսին մանրածախ առեւտրի շրջանառությունը, ընթացիկ գներով, կազմել է 331 մլրդ 918,7 մլն դրամ, ինչը 2007թ.-ի նույն ցուցանիշի նկատմամբ, համադրելի գներով, աճել է 4,3%-ով: 2008թ.-ի հունվար-մայիսին ծառայությունների ծավալը, ընթացիկ գներով, կազմել է 221 մլրդ 843 մլն դրամ, ինչը 2007թ.-ի նույն ցուցանիշի նկատմամբ, համադրելի գներով, աճել է 10,6%-ով:

---