Հայաստանի հավաքականները մեկնարկել են հաղթանակով․ շախմատի ԵԱ
06-10-2025 15:37:13 | Վրաստան | Սպորտ
Վրաստանի Բաթումի քաղաքում մեկնարկած շախմատի Եվրոպայի թիմային առաջնության առաջին տուրում Հայաստանի հավաքականները հաղթանակ են տարել։
Տղամարդկանց թիմը 2,5-1,5 հաշվով հաղթել է Լիտվայի հավաքականին։ Իրենց մրցակիցներին պարտության են մատնել Շանթ Սարսգայնն ու Արամ Հակոբյանը, Հայկ Մարտիրոսյանը ոչ-ոքի է գրանցել, իսկ Գաբրիել Սարգսյանը պարտվել է։
Կանանց հավաքականը նույն հաշվով առավելության է հասել Էստոնիայի թիմի դեմ պայքարում։ Մարիամ Մկրտչյանն ու Սուսաննա Գաբոյանը հաղթանակի են հասել, Լիլիթ Մկրտչյանը ոչ-ոքի է գրանցել, Մարիա Գևորգյանը սպիտակ խաղաքարերով պարտվել է։
Երկրորդ խաղափուլում տղամարդիկ կմրցեն Խորվաթիայի, իսկ կանայք` Ռումինիայի թիմերի դեմ։
9 մրցափուլից բաղկացած մրցաշարը կավարտվի հոկտեմբեր 14-ին։
ՀԱՅԵՐԵՆ
Русский
English
Դաս. հայերեն
French
