Արամ Առաջին կաթողիկոսը վստահ է՝ հայ ազգը նոր ղեկավարների կարիք ունի, որպեսզի երկիրը դուրս գա ստեղծված իրավիճակից.քաղաքագետ
22-10-2025 16:45:16 | Հայաստան | Մեկնաբանություն
Քաղաքագետ Դավիթ Ստեփանյանը Ֆեյսբուք-ի իր էջում գրել է.
«Մեծի Տանն Կիլիկիո Արամ Առաջին կաթողիկոսը վստահ է՝ հայ ազգը նոր ղեկավարների կարիք ունի, որպեսզի երկիրը դուրս գա ստեղծված իրավիճակից։
"Այսօր ապրում ենք մեր պատմության խաչմերուկում: Այս իրավիճակում մենք նոր ղեկավարների, նոր մոտեցումների, նոր կեցվածքի կարիք ունենք, որպեսզի դուրս գանք ներկայիս ճահճացած վիճակից:
Կրկնություններով մենք չենք կարող առաջ գնալ, մասնավորապես ներկայիս ամենօրյա փոփոխություններով լի ժամանակներում։
Երբ նույն աթոռներին նույն անձինք են նստում, որոնք նույն մտածելակերպով են կաղապարված, աթոռն էլ է մաշվում, աթոռի վրա նստողներն էլ»,- ընդգծել է Արամ Ա-ն։
Շատ լավ, կիսում եմ Վեհափառի այս դեպի նորացում միտված մոտեցումը։ Բայց, մեկ հարց ունեմ՝ Եկեղեցու երկու Կաթողիկոսների աթոռները և հենց իրենք, հենց ինքը Արամ Առաջինը չե՞ն մաշվել»:
ՀԱՅԵՐԵՆ
Русский
English
Դաս. հայերեն
French
