Սկսվում է «Քաղաքացիական պայմանագիր» կուսակցության թեկնածուների առաջադրումը
30-10-2025 11:20:51 | Հայաստան | Մեկնաբանություն
ՀՀ վարչապետ Նիկոլ Փաշինյանը ֆեյսբուքի իր էջում գրել է.
«2026թ․ հերթական խորհրդարանական ընտրություններում մեր համամասնական ցուցակի ձեւավորման գործընթացը սկսվում է:
«Քաղաքացիական պայմանագիր» կուսակցության Վարչության որոշմամբ․
1․ 2026թ․ հերթական խորհրդարանական ընտրություններում «Քաղաքացիական պայմանագիր» կուսակցության համամասնական ցուցակում ընդգրկվելու համար թեկնածուները կարող են ինքնառաջադրվել 2025թ․ նոյեմբերի 1–ից նոյեմբերի 30–ը ներառյալ։
2․ Ինքնառաջադրումը տեղի է ունենում info@civilcontract.am էլ․ փոստի հասցեին գրված համապատասխան նամակով, որին պետք է կցված լինի ինքնակենսագրական (կենսագրականի հղում)։ ՔՊ անդամ չհանդիսացող անձինք նամակին պետք է կցեն նաեւ ՔՊ Վարչության առնվազն մեկ անդամի երաշխավորության մասին տեղեկատվություն։
3․ Թեկնածուների գրանցումը իրականացնելու է ՔՊ Վարչությունը՝ 2025թ․ դեկտեմբերի 1–ից դեկտեմբերի 31–ն ընկած ժամանակահատվածում։
4․ Գրանցված թեկնածուները մինչեւ 2026թ․ փետրվարի 5–ը ներառյալ պետք է վճարեն առաջադրման վճար, ՔՊ անդամները 500 հազար դրամ, ՔՊ անդամ չհանդիսացող անձինք՝ 1 միլիոն 500 հազար դրամ»։
ՀԱՅԵՐԵՆ
Русский
English
Դաս. հայերեն
French
