Ռիադում ՀՀ էկոնոմիկայի նախարար Գևորգ Պապոյանը հանդիպել է Արաբական Միացյալ Էմիրությունների էկոնոմիկայի և զբոսաշրջության նախարար Աբդուլլա Բին Տուք Ալ Մարրիի հետ։
Կողմերը քննարկել են Հայաստանի և ԱՄԷ-ի միջև տնտեսական և զբոսաշրջային համագործակցության ընդլայնման ուղիները։ Գևորգ Պապոյանը նշել է, որ ԱՄԷ-ն Հայաստանի զբոսաշրջության հիմնական նպատակային շուկաներից մեկն է և ընդգծել է բժշկական զբոսաշրջության ոլորտում համագործակցության մեծ ներուժը։
Նախարարը հրավիրել է էմիրաթցի գործընկերոջը մասնակցել Հայաստանում նախատեսվող զբոսաշրջային միջոցառումներին և ներկայացրել է ներդրումային հնարավորությունները՝ հատկապես վերականգնվող էներգետիկայի, բարձր տեխնոլոգիաների, դեղագործության, ագրոբիզնեսի և կրթության ոլորտներում։
Աբդուլլա Բին Տուք Ալ Մարրին շնորհակալություն է հայտնել հրավերի համար և ընդունել է այն՝ ընդգծելով, որ Հայաստան կայցելի գործարարների հետ։
Նախարար Գևորգ Պապոյանը նաև առանձնացրել է «Մասդար» ներդրումային ծրագիրը՝ որպես երկու երկրների համագործակցության նոր էջ։
ՀԱՅԵՐԵՆ
Русский
English
Դաս. հայերեն
French
