Էրդողանը և Մակրոնը քննարկել են ռուս-ուկրաինական հակամարտությունը
03-12-2025 19:09:03 | Թուրքիա | Ի՞նչ է գրում մամուլը
1lurer.am Թուրքիայի և Ֆրանսիայի նախագահները հեռախոսազրույց են ունեցել: Անկարայից հայտնում են, որ զրույցը տեղի է ունեցել Փարիզի նախաձեռնությամբ:
Ռեջեփ Էրդողանը և Էմանուել Մակրոնը քննարկել են երկկողմ հարաբերությունները, ռուս-ուկրաինական հակամարտությունը, ինչպես նաև տարածաշրջանային և միջազգային հարցեր։ Անդրադարձ է եղել Հարավային Կովկասում զարգացումներին:
Ըստ պաշտոնական հաղորդագրության՝ Էրդողանն ընդգծել է Թուրքիայի և Ֆրանսիայի միջև գործակցության զարգացման կարևորությունը և պատրաստակամություն հայտնել քայլեր ձեռնարկել այդ ուղղությամբ։ Նա հավելել է, որ Անկարան անում է հնարավորը՝ դադարեցնելու Ուկրաինայի և Ռուսաստանի միջև պատերազմը և նպաստելու արդար և երկարատև խաղաղությանը։ Էրդողանի խոսքով՝ աշխատանքներ են տարվում Ստամբուլում Կիև-Մոսկվա բանակցությունները վերսկսելու ուղղությամբ:
ՀԱՅԵՐԵՆ
Русский
English
Դաս. հայերեն
French
