Իր «ծննդյան» պահից սկսած` Կտրիճ Ներսիսյանի կաթողիկոսությունը ուղղված է եղել Հայաստան պետության դեմ. Կոնջորյան
20-12-2025 10:30:48 | Հայաստան | Ի՞նչ է գրում մամուլը
Հայկական ժամանակ․ «Քաղաքացիական պայմանագիր» խմբակցության ղեկավար Հայկ Կոնջորյանը սոցցանցի իր էջում անդրադարձել է Կտրիճ Ներսիսյանի եղբոր՝ Եզրասի՝ ԿԳԲ գործակալ լինելը փաստող ԱԱԾ-ի հրապարակած փաստաթղթին:
«ԱԱԾ-ն հրապարակեց փաստաթուղթ, ըստ որի Կտրիճ Ներսիսյանի եղբայր Եզրաս արքեպիսկոպոսը ԿԳԲ գործակալ է:
Սա նշանակում է, որ Եզրասի պետությունը Հայաստանը չէ: Նա ծառայում է այլ տիրոջ: Իսկ ու՞մ է ծառայում Եզրասի եղբայր Կտրիճ Ներսիսյանը:
Հիշեցնեմ, որ Կտրիճ Ներսիսյանը կաթողիկոս է ընտրվել 1999 թվականի հոկտեմբերի 27-ին, երբ գնդակահարվեց պետությունը: Իր «ծննդյան» պահից սկսած` Կտրիճ Ներսիսյանի կաթողիկոսությունը ուղղված է եղել Հայաստան պետության դեմ»,- գրել է Կոնջորյանը:
ՀՀ ազգային անվտանգության ծառայությունում առկա տվյալների համաձայն՝ Եզրաս արքեպիսկոպոս Ներսիսյանը 1986-1988թթ. համագործակցել է ԽՍՀՄ պետական անվտանգության կոմիտեի հետ։
ԱԱԾ փոխանցմամբ՝ բացի այդ՝ առկա տվյալների համաձայն՝ Եզրաս արքեպիսկոպոս Ներսիսյանը ներկայումս կապեր է պահպանում օտարերկրյա պետությունների հատուկ ծառայությունների ներկայացուցիչների հետ, ինչը կարող է սպառնալիք հանդիսանալ Հայաստանի Հանրապետության անվտանգությանը և շահերին։
Ելնելով վերոգրյալից՝ Ազգային անվտանգության ծառայության կողմից օրենքով իրեն վերապահված լիազորությունների շրջանակներում ձեռնարկվում են անհրաժեշտ միջոցներ նշված սպառնալիքները վերացնելու ուղղությամբ։
ՀԱՅԵՐԵՆ
Русский
English
Դաս. հայերեն
French
