Մոսկվան և Վաշինգտոնը քննարկում են Զապորոժիեի ատոմակայանի կառավարման հարցը. Կոմերսանտ
26-12-2025 12:46:05 | Հայաստան | Ի՞նչ է գրում մամուլը
1lurer. Ռուսաստանի նախագահ Վլադիմիր Պուտինը ռուս գործարարների ներկայացուցիչների հետ փակ հանդիպման ժամանակ հայտարարել է, որ Մոսկվան և Վաշինգտոնը քննարկում են Զապորոժիեի ատոմակայանի (ԶԱԷԿ) կառավարման հարցը: Այդ մասին հայտնել է «Կոմերսանտ»-ը:
Պարբերականի տվյալներով՝ Պուտինը հավելել է, որ ԱՄՆ-ն նույնպես հետաքրքրված է ԶԱԷԿ-ում մայնինգի կազմակերպմամբ:
Ավելին, Կրեմլի ղեկավարի խոսքով՝ ԱՄՆ նախաձեռնությամբ երկու կողմերը «քննարկում են» Ուկրաինա էլեկտրաէներգիայի մատակարարումները: Պուտինը նաև նշել է, որ ԶԱԷԿ-ում աշխատող ուկրաինացի մասնագետներն ունեն ռուսական անձնագրեր:
Մեկ օր առաջ էլ Ուկրաինայի նախագահ Վոլոդիմիր Զելենսկին հրապարակել էր Կիևի և Վաշինգտոնի միջև համաձայնեցված «հիմնական» խաղաղության պլանը, որի դրույթներից մեկը նախատեսում է ԶԱԷԿ-ի համատեղ շահագործումը Ուկրաինայի, ԱՄՆ-ի և Ռուսաստանի կողմից: Զելենսկու խոսքով՝ Ուկրաինան չի ցանկանում ուղղակի գործարքներ կնքել Ռուսաստանի հետ, ուստի այս դրույթը դեռևս բանակցային փուլում է։
ՀԱՅԵՐԵՆ
Русский
English
Դաս. հայերեն
French
