Հռոմի պապը շնորհակալական նամակ է հղել Պոլսո հայոց պատրիարքին
09-01-2026 13:23:00 | Հայաստան | Ի՞նչ է գրում մամուլը
Հռոմի Պապ Լևոն XIV-ը նամակ է հղել Պոլսի հայոց պատրիարք Սահակ արքեպիսկոպոս Մաշալյանին, որում շնորհակալություն է հայտնել վերջինիս իր՝ Ստամբուլ այցի ընթացքում Սուրբ Աստվածածին եկեղեցում ջերմ ընդունելության համար։
«Արմենպրես»-ի փոխանցմամբ՝ այս մասին հաղորդագրություն է տարածել Պոլսո հայոց պատրիարքարանը։ Նշվում է, որ նամակում Հռոմի պապը շնորհակալություն է հայտնել Պոլսո հայոց պատրիարքին Ստամբուլի Սուրբ Աստվածածին եկեղեցում իրեն ջերմ ընդունելության արժանացնելու համար։
«Այդպիսի պահերը նպաստում են մեր երկու եկեղեցիների միջև եղբայրական կապերի ամրապնդմանն ու խորացմանը»,- ասված է նամակում։ Հռոմի պապը նաև հավելել է, որ հույսով սպասում է Պոլսո հայոց պատրիարքի հետ հետագա հանդիպումներին։
ՀԱՅԵՐԵՆ
Русский
English
Դաս. հայերեն
French
