Հիմա մեր տարածաշրջան ներհոսելու են մեծ ներդրումներ․ դա շատ լավ նորություն է. վարչապետ
14-01-2026 15:41:58 | Հայաստան | Ի՞նչ է գրում մամուլը
Հայկական ժամանակ. «Մենք հասկացանք, որ հնարավոր չէ էս թնջուկից դուրս գալ՝ առանց միմյանց տարածքային ամբողջականությունը, սահմանների անխախտելիությունը, ինքնիշխանությունը ճանաչելու: Եթե այդ որոշումները չկայացնեինք, չեմ փորձի նկարագրել, թե հունվարի 14-ի դրությամբ ինչ կլիներ մեր տարածաշրջանում»:
Այս մասին հայտնել է ՀՀ վարչապետ Նիկոլ Փաշինյանը՝ ընդգծելով, որ պետք է գնահատել իրավիճակը. աշխարհը փոթորկվում է, իսկ ՀՀ-ն և տարածաշրջանն այսօր քայլ-քայլ, առնվազն ՀՀ-Ադրբեջան հարթությունում, վերածվում են կայունության, անվտանգության մի միջավայրի, որը չափազանց կարևոր է․ սա շատ մեծ ձեռքբերում է:
Վարչապետն անդրադարձել է նաև TRIPP նախագծին՝ ասելով. «Հիմա արդեն ակնհայտ է, որ նաև TRIPP նախագծի հետ կապված այն բաց հարցերը, որոնք կային հռչակագրի ընդունումից հետո, ստացել են պատասխաններ: Շատ կարևոր է, որ մենք ունենք բանաձև, որը լիարժեք բավարարում է և պիտի բավարարի ՀՀ-ին, ԱՄՆ-ին, լիարժեք բավարարում է, իմ կարծիքով, իհարկե, նրանք կարձագանքեն, կտեսնենք, Ադրբեջանին:
Սրանով կանաչ լույս է վառվում տարածաշրջանում երկարատև և կայուն խաղաղություն հաստատելու գործին, այստեղ կարևոր է ԱՄՆ նախագահ Դոնալդ Թրամփի դերը: Ակնհայտ է, որ հիմա մեր տարածաշրջան ներհոսելու են մեծ ներդրումներ և մեծ փողեր, և դա շատ լավ նորություն է»:
ՀԱՅԵՐԵՆ
Русский
English
Դաս. հայերեն
French
