Մարթա Կոսը և Իլհամ Ալիևը քննարկել են Հայաստանի և Ադրբեջանի միջև խաղաղության օրակարգի առաջմղման հարցեր
22-01-2026 11:51:19 | Հայաստան | Ի՞նչ է գրում մամուլը
1lurer. Դավոսում հանդիպել են Ադրբեջանի նախագահը և ԵՄ ընդլայնման հարցերով հանձնակատար Մարթա Կոսը:
Հանդիպմանը մտքեր են փոխանակվել Հայաստանի և Ադրբեջանի միջև հարաբերությունների կարգավորման և խաղաղության օրակարգի առաջմղման շուրջ: Քննարկվել են նաև էներգետիկայի, տարածաշրջանային տրանսպորտային հաղորդակցության, հումանիտար ականազերծման և այլ ոլորտներում համագործակցությանը վերաբերող հարցեր:
Անդրադարձ է կատարվել Եվրոպայի էներգետիկ անվտանգության գործում Բաքվի ներդրմանը:
Մարթա Կոսը նշել է, որ ԵՄ-ն պատրաստ է աջակցել Ադրբեջանին ականազերծման ոլորտում, ինչպես նաև Նախիջևանում երկաթուղային գծի վերականգնման նախագծերին: Զրույցի ընթացքում մտքեր են փոխանակվել Ադրբեջանի և ԵՄ-ի միջև տարբեր ոլորտներում համագործակցության հետագա ընդլայնման հեռանկարների շուրջ:
ՀԱՅԵՐԵՆ
Русский
English
Դաս. հայերեն
French
