Հետաձգվել է 8000 չվերթ․ ԱՄՆ նահանգներում արտակարգ դրություն են հայտարարվել
24-01-2026 16:36:36 | ԱՄՆ | Ի՞նչ է գրում մամուլը
armtimes.com ԱՄՆ տասնյակից ավելի նահանգներ արտակարգ դրություն են հայտարարել և կոչ արել մարդկանց մնալ տանը՝ մոտեցող հզոր ձնաբքի պատճառով։
Այս մասին հաղորդել է Associated Press-ը։
Արտակարգ դրություն է հայտարարվել Ալաբամայում, Արկանզասում, Ջորջիայում, Կանզասում, Կենտուկիում, Լուիզիանայում, Միսսիսիպիում, Միսսուրիում, Նյու Յորքում, Հյուսիսային Կարոլինայում, Հարավային Կարոլինայում, Թենեսիում, Տեխասում և Վիրջինիայում՝ ընդհանուր առմամբ 14 նահանգում։
Վատ եղանակի պատճառով չեղարկվել է նաև ԱՄՆ-ում հանգստյան օրերին նախատեսված ավելի քան 8000 չվերթ։
Փոթորկի մասին նախազգուշացում է հայտարարվել Նյու Մեխիկոյից մինչև Նոր Անգլիա, որը կազդի մոտավորապես 140 միլիոն մարդու վրա: Ազգային օդերևութաբանական ծառայությունը զգուշացրել է առատ ձյան և մերկասառույցի մասին։
Ուրբաթ երեկոյան փոթորիկը Տեխասի որոշ հատվածներում սառցե անձրև և ձյուն էր բերել, իսկ Օկլահոմա՝ ձյուն։ Օդերևութաբանական ծառայությունը զգուշացնում է, որ փոթորիկը, կանխատեսումների համաձայն, կշարժվի դեպի հյուսիս-արևելք։
ՀԱՅԵՐԵՆ
Русский
English
Դաս. հայերեն
French
