«Google»-ը դատարանի վճռով 68 միլիոն դոլար կվճարի օգտատերերին ապօրինի գաղտնալսելու համար
27-01-2026 18:32:49 | | Ի՞նչ է գրում մամուլը
tert.am «Google»-ը համաձայնվել է վճարել 68 միլիոն դոլար՝ ԱՄՆ-ում ներկայացված հայցը կարգավորելու համար, որում պնդվում է, որ ընկերությունը գաղտնի կերպով գաղտնալսել է օգտատերերին իր ձայնային օգնականի միջոցով, հաղորդում է The Hill-ը։
«Google»-ը նախնական դատական համաձայնության է եկել խմբային հայցի շրջանակներում, որը վերաբերում է իր «Google Assistant»-ում գաղտնիության խախտումներին։
Մեղադրանքների համաձայն, «Google Assistant» գործառույթով սարքերը ձայնագրել են օգտատերերի անձնական զրույցները՝ առանց ակտիվացվելու «Hey Google» կամ «OK Google» բանալի բառերը՝ խախտելով ընկերության գաղտնիության քաղաքականությունը։
Ավելի վաղ Apple-ը նույնպես համաձայնվել էր վճարել 95 միլիոն դոլար՝ կարգավորելու առաջարկվող խմբային հայցը, որում պնդվում էր, որ իր ձայնային օգնական Siri-ն խախտում է օգտատերերի անձնական կյանքը։
ՀԱՅԵՐԵՆ
Русский
English
Դաս. հայերեն
French
