ԿԸՀ 7 անդամներից 4-ը իգական սեռի ներկայացուցիչներ են. Նունե Հովհաննիսյանը վիճակագրական տվյալներ է ներկայացրել
04-02-2026 15:18:43 | Հայաստան | Մամլո հաղորդագրություն
ՀՀ կենտրոնական ընտրական հանձնաժողովի նախագահի տեղակալ Նունե Հովհաննիսյանը, Հայաստանում գենդերային քաղաքականության ազգային գնահատման այցի շրջանակներում, փետրվարի 3-ին ընդունել է ԵԱՀԿ/ԺՀՄԻԳ փորձագետներ Այլա վան Հիլ Մերդանովիչին, Դինարա Դիլդաբեկովայի և Լաուրա Սիմոնյանին։
«ԿԸՀ նախագահի տեղակալը ողջունել է հյուրերին՝ հայտնելով պատրաստակամություն հետագա համագործակցության վերաբերյալ ևս։
ԿԸՀ նախագահի տեղակալը կարևորել է Ընտրական օրենսգիրք սահմանադրական օրենքում 2024 թվականին կատարված օրենսդրական փոփոխությունը, որի համաձայն ինքնաբացարկ ներկայացնող իգական սեռի ներկայացուցիչներին բացառապես պետք է փոխարինեն վերոնշյալ սեռի անձինք, այլապես մանդատը պետք է թափուր լինի։
Նունե Հովհաննիսյանը նաև որոշ վիճակագրական տվյալներ է ներկայացրել, ինչպես՝ ԿԸՀ-ի 7 անդամներից 4-ը իգական սեռի ներկայացուցիչներ են, անձնակազմի 66 աշխատակիցներից 44-ը՝ ևս։
ԿԸՀ-ն նաև մեծ դեր է ունեցել ԸԸՀ-ներում գենդերային հարաբերակցությունը նախկինում եղած 5։2-ից 4։3 փոխելու հարցում»,- նշված է հաղորդագրության մեջ։
ՀԱՅԵՐԵՆ
Русский
English
Դաս. հայերեն
French
