Նոր ատոմակայանի կառուցման հարցը ՀՀ-ն քննարկում է մի քանի երկրի հետ. վարչապետ
11-02-2026 18:43:42 | Հայաստան | Ի՞նչ է գրում մամուլը
shantnews.am ԱԺ-Կառավարության հարցուպատասխանի ժամանակ վարչապետ Նիկոլ Փաշինյանը անդրադարձել է Հայաստանի ատոմային էներգետիկայի ապագային և Մեծամորի ատոմակայանի փակման թեմային։
Վարչապետը նշել է, որ Մեծամորի ատոմակայանի փակման պարտավորությունը Հայաստանը ստանձնել է Հայաստան-ԵՄ համապարփակ և ընդլայնված գործընկերության համաձայնագրով, որը ստորագրվել է Սերժ Սարգսյանի օրոք։
«Այն, որ Մեծամորի ատոմակայանը պետք է փակվի, դա Հայաստան-ԵՄ համապարփակ և ընդլայնված գործընկերության համաձայնագրով ստանձնել է Սերժ Սարգսյանը։ Հիմա մենք ասում ենք, որ նոր ատոմակայան ունենալու հարցը քննարկում ենք մի քանի գործընկերների հետ՝ Ռուսաստան, Միացյալ Նահանգներ, Ֆրանսիա, Հարավային Կորեա և Չինաստան»,- նշել է Փաշինյանը։
ՀԱՅԵՐԵՆ
Русский
English
Դաս. հայերեն
French
