Մակրոնը հայտարարել է ԵՄ-ի՝ ՌԴ-ի հետ միասին բանակցությունների սեղանի շուրջ նստելու անհրաժեշտության մասին
13-02-2026 13:44:14 | Հայաստան | Ի՞նչ է գրում մամուլը
Հայկական ժամանակ․ Եվրոպան պետք է պատրաստ լինի բանակցելու Ռուսաստանի հետ մայրցամաքի ապագայի վերաբերյալ, հայտարարել է Ֆրանսիայի նախագահ Էմանուել Մակրոնը ԵՄ առաջնորդների հանդիպումից հետո:
Նրա խոսքերը հրապարակվել են Ելիսեյան պալատի էջում։
«Մենք՝ եվրոպացիներս, ունենք քննարկելու հարցեր: Ահա թե ինչու մենք պետք է լինենք բանակցությունների սեղանի շուրջ, երբ խոսքը վերաբերում է բարգավաճմանը, Եվրոպայի ապագային և անվտանգության ճարտարապետությանը: Այս ամենը պետք է պատրաստ լինի հիմա եվրոպական մակարդակով, որպեսզի մենք պատրաստ լինենք Ռուսաստանի հետ քննարկումներին, երբ ժամանակը գա»,- ասել է Ֆրանսիայի նախագահը:
Վերջին ամիսներին Մակրոնը բազմիցս պաշտպանել է ԵՄ-Ռուսաստան երկխոսությունը վերսկսելու հնարավորությունը: Նրան աջակցում են նաև այլ եվրոպացի առաջնորդներ, այդ թվում՝ Իտալիայի վարչապետ Ջորջիո Մելոնին:
Politico-ն հաղորդել է, որ ԵՄ-ն քննարկում է Ուկրաինայի հարցով հատուկ դեսպան նշանակելու հնարավորությունը, որը նաև կապ կպահպանի Մոսկվայի հետ:
ՀԱՅԵՐԵՆ
Русский
English
Դաս. հայերեն
French
